Лук 10:25~37

25 Үзэгтүн, нэгэн хуульч босож, Түүнийг сорин / —Багш аа, мөнх амийг өвлөн авахын тулд би яах ёстой вэ? гэж асуухад

26 Тэр түүнд / —Хуульд юу гэж бичигдсэн байдаг билээ? Чи хэрхэн уншдаг вэ? гэхэд

27 тэр / —“Чи Эзэн Бурханаа бүх зүрх, бүх сэтгэл, бүх хүч, бүх оюун ухаанаараа хайрла.” Мөн “Хөршөө өөрийн адил хайрла” гэв.

28 Тэгэхэд нь Есүс / —Чи зөв хариуллаа. Үүнийгээ үйлд, тэгвэл чи амьтай болно гэв.

29 Харин тэр өөрийгөө зөвтгөх гэж Есүст / —Миний хөрш гэдэг чинь хэн бэ? гэжээ.

30 Есүс хариуд нь / —Нэгэн хүн Йерусалимаас Иерихо орохоор явж байгаад дээрэмчдийн гарт өртжээ. Тэд түүнийг нүцгэлэн зодоод амьтай төдий орхиод оджээ.

31 Тохиолдлоор нэгэн тахилч тэр замаар явж байгаад, түүнийг хармагцаа дэргэдүүр нь өнгөрөөд явчхав.

32 Түүнчлэн нэгэн леви хүн мөн тэнд хүрч ирээд, түүнийг хармагцаа дэргэдүүр нь өнгөрөөд явчихжээ.

33 Харин түүгээр явж байсан нэгэн самари хүн түүнтэй таарчээ. Тэр түүнийг хараад өрөвдөн,

34 түүн дээр ирж, шарханд нь тос, дарс асгаж боогоод, унаан дээрээ тэгнэн дэн буудалд хүргэж ирэв. Тэгээд түүнийг асарчээ.

35 Маргааш нь тэр, хоёр денар авч буудлын эзэнд өгөөд, “Түүнийг асарч байгаарай. Та илүүг зарвал би буцахдаа танд дахин төлье” гэжээ.

36 Энэ гурвын хэн нь дээрэмчдийн гарт орсон тэр хүний хөрш болсон гэж чи бодож байна? гэхэд

37 тэр / —Түүнд энэрлийг үйлдсэн нь гэв. Есүс түүнд / —Явж, үүний адил үйлдэгтүн гэжээ.