Иохан 19:1~9

1 Тэгээд Пилат, Есүсийг аваачиж ташуурдуулав.

2 Цэргүүд сундуугаар титэм сүлжээд тэргүүн дээр нь тавьж, нил ягаан нөмрөг нөмөргөв.

3 Тэд Түүн дээр ирж / —Иудейчүүдийн Хаанд мэндчилье гээд хацрыг нь алгадаж байв.

4 Пилат дахин гарч ирээд хүмүүст / —Харагтун, би Түүнээс ямар ч гэм буруу олоогүйг та нарт мэдүүлэхийн тулд Түүнийг нааш нь авчирлаа гэв.

5 Есүс сундуун титэм, нил ягаан нөмрөгтэй гарч ирэв. Пилат тэдэнд / —Энэ Хүнийг харагтун гэлээ.

6 Тэгтэл ахлах тахилч нар, харуулууд Түүнийг хараад / —Түүнийг цовдол, цовдол гэж хашхиралдлаа. Пилат тэдэнд / —Өөрсдөө Түүнийг ав, тэгээд цовдол. Би л Түүнээс ямар ч буруу олсонгүй гэв.

7 Иудейчүүд түүнд / —Бидэнд хууль бий. Уг хуулийн дагуу бол Тэр үхэх ёстой. Учир нь Тэр Өөрийгөө Бурханы Хүү болгосон гэж хариулав.

8 Пилат үүнийг сонсоод улам их айж,

9 дахин ордондоо орж Есүсээс / —Чи хаанаас ирсэн юм бэ? гэж асуусанд Есүс түүнд хариу эс өгөв.

Иохан 19:1-9